نانا النجولي الثلاثاء يناير 25, 2011 9:24 amوسريت تايه ورى خطوات رجليني
لاالوجه وجهي ولااوصافي هي اوصاافي
امشي واقول لطريقي لاتوديني
لعيون ناس تبي تدري عن الخافي
امانتك خلها مابيني وبينك
خابرك يالدرب خوة عمر وسنادي
ماودي تدري الناس وش يبكيني
كرامة النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بهاالسافي
الين ماوحيت لي صوت يناديني
صوت اعرفه مثل مااجهل وش اخلافي
قمت واتلفت وانادي لاتخليني
ماغيره الصوت هذا صوته الدافي
ولمحت زوله من اقصى الدرب لافيني
ماادري وش اقول لكن حي هالافي
تعال شف غيبتك كيف اثرت فيني
تعال شفني وانا اغرق عقب مجدافي
تعال خذني ورحبني من عنا ويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الظامي
تعال وش فيك خايف انت ناسيني
قطعت صوتي عليك وطال ميقافي
حتى بديت اشعر ان الحب معميني
وان انت حلم عثى فيني وانا غافي
لكن امانه ترى الي فيني كافيني
ان رحت منك كذا مارحت متعافي
بصدق الحلم واحذر لاتصحيني
في خاطري كلمتين وان قلتها كافي
امانه الله عليك ان غبت عن عيني
لايكون قلبك مثل قلب الزمن جافي
ومع كل دمعه تذكر رعشة يديني
ومع كل ضحكه تذكر قلبي الوافي
» لمن اشتكي.......
» اروع زياراتي 'الحرم المكي'والمسجد النبوي
» احسنوا العشره..
» كلمات أعجبتني
» اشعار ريم تواق
» اشعار خليجيه
» كلمات اغنيه**
» &&صدفه عابره &&